關於部落格
一些,兩人,三件事
  • 23916

    累積人氣

  • 0

    今日人氣

    0

    追蹤人氣

關於運動健身呢種野



唔經唔覺,小弟經已運動著兩三年咗,有冇效果?身型有冇變FIT?六粒腹肌可唔可以出來晒人?我真係真係真係講唔出口。可以同大家分享嘅,都淨係覺得Stamina好似有改善少少,淨係少少,無多。但就唔知經不經得起爬山,畢竟我生來至今都唔係一個好好嘅爬山友。


朋友最近剛剛加入健身行列,佢地都算積極。博晒老命狂操,做愛咩?咁勤力。結果初哥者嘅佢地手手腳腳都酸酸痛痛,抵死,哇哈哈!


但係,自從佢地成為Member之後,至殘嘅係本小弟。因為,佢地會將其他人同我比較,and then會問我咁多年以來做乜睇乜用乜使乜,而我多數會回贈班友:自玩自爽自做自樂,沒乜乜乜乜……


當然,佢地處女下海的心情總帶幾分緊張加興奮加好奇,所以好肯定嘅對雄糾糾同又挺又硬又實嘅機器愛不釋手,再加埋威武嘅私人教練做真人示范同指點迷津,簡直就係Bonus,爽死都也愿意。


由此之後,我嘅惡夢正式開始。你冇俾Personal Trainer教過咩?你到底做嘅方法啱唔啱?你有免費嘅1 Hour PT就應該把握機會用咗它,點解唔好好利用佢?你冇俾人指教,咁埋好容易整傷肌肉?你bla bla bla……等等嘅問題五雷轟頂,炸到我無以回擊,唯有勉強陪笑同一副懶得理嘅死人樣。


仲勁嘅係,朋友伸手係我手臂同二頭肌嘅部位啜咗一下,結果不算結實同軟軟嘅肉換來佢地嘲笑。“喂!你每個星期報到,運動咗咁耐,點解一點成績都冇?一點都唔似個位同我地講解個Consultant嘅肌肉咁,非常之結實,好爽摸……”


妖!大佬,我一早就講明我做運動係為健康,唔係健身為大塊結實肌肉。你地處處批得我一無是處、一無所有,我仲需要出來行架?唉……雖然我係有點慚愧關於本人達唔到你地對我咁高咁睇得起嘅期望,但係我都算盡咗力,汗水都流咗不少咧!


你地講得咁大聲,我就放長雙眼睇你地叻得我幾多。俾足你一年又點話,橫掂你地有PT正確賜教的大前提之下,一定不出三四個月,結結實實般脫胎換骨。我就等你地隆!重!登!場!


睇嚟,我都要叫番好人者阿麗安陪我做正確嘅姿勢。阿麗安,你是否聽到我求救嘅訊號?有就嗱嗱臨,小弟唔想俾人睇死,做番真的漢子……哈哈!
相簿設定
標籤設定
相簿狀態